Ən böyük dəyərlərdən biri də Cavanşir müəllimin sadəliyidir. Onun təvazökar davranışı, insanlara olan hörməti və ətrafındakıların uğuruna sevinməyi bacaran ürəyi onu hər bir mühitdə sevilən, sayılıb-seçilən bir şəxsiyyətə çevirib. O, nəinki müəllim, həm də əsl ziyalı, maarifçi, vətəndaş mövqeyi olan nümunəvi bir insandır.
Bu gün elm və təhsil camiəsində tanınan, Naxçıvan Dövlət Universitetində uzun illərdir fəaliyyət göstərən hörmətli pedaqoq, baş müəllim Cavanşir Zeynallının doğum günüdür. O, təkcə universitet auditoriyalarında deyil, həm də cəmiyyət içində yüksək mədəniyyəti, alicənablığı və ziyalılığı ilə seçilən bir insandır.
Cavanşir müəllim klassik pedaqoji ənənələrlə müasir yanaşmaları uğurla birləşdirən, tələbəyə yalnız bilik deyil, həm də həyat dərsi verən müəllimlərdəndir. Onun dərs dediyi tələbələr onu həm zəhmətkeş, həm də tələbkar bir şəxsiyyət kimi xatırlayır. Çünki o, təhsil verdiyi gənclərə öz həyat təcrübəsini, mənəvi dəyərləri və vətəndaş məsuliyyətini aşılamağı da özünə borc bilir.
Təhsil sahəsindəki fəaliyyəti ilə yanaşı, Cavanşir Zeynallı həm də səmimi, geniş dünyagörüşlü və yüksək dəyərlərə sahib bir dost, bir ailə başçısı, bir ziyalı obrazıdır. Onun dostluq münasibətləri zamanla sınanmış, məsafələri aşan, səmimiyyətə söykənən güclü bağlara əsaslanır. Cavanşir müəllimin uzun illərdən bəri Bakı ilə Naxçıvan arasında qoruyub saxladığı səmimi dostluqlar bunun parlaq sübutudur.
Bu əlamətdar gündə – Cavanşir Zeynallının doğum günündə onu ürəkdən təbrik edir, ona möhkəm can sağlığı, tükənməz yaradıcılıq enerjisi, ailə xoşbəxtliyi və elmi-pedaqoji fəaliyyətində yeni zirvələr arzulayırıq.
Sənin kimi müəllimlər bu xalqın elmə, mənəviyyata və gələcəyə inamını artırır.
Doğum günün mübarək olsun, əziz Cavanşir müəllim!!!
Leave a Reply